Күрес түрлерінен 2019 жылғы әлем чемпионаты Қазақстанда өтуі мүмкін

2015 жылы күрес түрлерінен Азия чемпионаты Қазақстанда өткен болатын.

Күрес түрлерінен 2019 жылғы әлем чемпионаты Қазақстанда өтуі мүмкін.

2019 жылы әлемнің ең үздік балуандары Қазақстанда бас қосып, өзара мықтыны анықтауы мүмкін. Олимпиада ойындары алдында болатын байрақты бәсекені өткізуге Қазақстан да үмітті. Бұл туралы күрес түрлерінің вице-президенті Ерлан Қожасбай арнайы сайтымыздың тілшісіне айтып берді. Ол өз сөзінде: «Біз екі жыл қатарынан әлем чемпионатын өткізуге өз ұсынысымызды бердік. 2019 жылы әлем чемпионатында өткізетін елдердің қатарында Қазақстан да бар. Бұның бәрі Венгрияда өтетін әлем чемпионатынан кейін шешіледі. Олимпиада ойындары алдындағы әлем чемпионаты елімізде өтуі ғажап емес», – деді Ерлан мырза.

Айта кетейік, 2015 жылы күрес түрлерінен Азия чемпионаты Қазақстанда өткен болатын. 2018 жылғы әлем чемпионаты Венгрия астанасы Будапештте өтеді.


  0