"Қайрат" Еуропа лигасының іріктеу кезеңінде "Милан", "Зенит" немесе "Фенербахчемен" кездесуі мүмкін

Бұл клубтармен алматылық ұжым тек үшінші айналымда кездесуі ықтимал.

Алматылық "Қайрат" клубы Еуропа лигасының үшінші іріктеу кезеңінде италиялық "Милан", түркиялық "Фенербахче" немесе ресейлік "Зенит" клубтарының бірімен кездесуі мүмкін. 

Еуропа лигасының үшінші кезеңіне қатысатын клубтардың толық тізімі мынадай: "Атлетик" (Испания), "Бордо" (Франция), ПСВ (Голландия), "Университатя" (Румыния), Фрайбург (Германия),"Зенит" (Ресей), "Фенербахче" (Туркия), "Аустрия" (Австрия),"Эвертон" (Англия), "Краснодар" (Ресей), "Сьон" (Швейцария), "Динамо З" (Хорватия), "Милан" (Италия), "Олимпик" (Украина), "Спарта" (Чехия), "Арка" (Польша), "Брага" (Португалия), "Александрия" (Украина), ПАОК (Грекия), "Маритиму" (Португалия), "Гент" (Бельгия), "Панатинаикос" (Грекия), "Олимпик" (Франция), "Остенде" ( Бельгия), "Динамо"(Румыния).

Үшінші кезеңге шығатын басқа клубтар бірінші және екінші іріктеу кезеңінің қорытындысы бойынша анықталады. Айта кетейік, "Қайрат"  Еуропа лигасын бірінші іріктеу кезеңінен бастады. Бірінші кезеңде алматылық клуб литвалық "Атлантаспен" кездесіп, 6:0 есебімен ірі жеңіске жетті. Бұл қазақ клубтарының УЕФА аясында өтетін турниріндегі ең ірі жеңісі. 

"Қайраттың" екінші айналымдағы қарсыласы албаниялық "Скендербеу" мен андоралық "Сан-Хулиа" арасындағы кездесуде анықталады. Бұл командалар арасындағы кездесудің бірінші ойыны 1:0 есебімен албаниялық клубтың пайдасына аяқталды. 





  0