Теннисші Уимблдонда Неймарды салып, жұрттың ықыласына бөленді

Теннисші газонның үстінде аунап, жарақатының тым ауыр екенін көрсеткісі келді.

Швециялық теннисші Йонас Бьоркман Уимблдон жарысы барысында жұптық кездесуде көрерменнің көңілін бір сергітті, - деп хабарлайды Isport.

Серіктесінен соққы алған ол Неймардың симуляциясын қайталады. Бразилиялық футболшы ӘЧ-2018 жарысы барысында осы әдісімен ұятқа қалған еді. Теннисші газонның үстінде аунап, жарақатының тым ауыр екенін көрсеткісі келді. 

Басқа да қатысушылар абдырап қалмай, бірден мини-спектакльге араласа кетті. Шведтің қарсыласы тордың үстінен өтіп, көмек шақыра бастады, содан кейін ол зардап шеккен спортшыға  қолдан дем алдыру әдісін жасамақшы болды. 

 

Бразилия құрамасының шабуылшысы Неймар әлем чемпионаты барысында көптеген симуляциялар жасағаны үшін сынға алынды. Америкалық актер Уилл Смит оған "суперактер" атағын берді. 



  0