Юлия Путинцева "Ролан Гаррос" турнирінің 1/8 финалына шықты

Доданың үшінші айналымында отандасымыз қытайлық Ван Цянмен кездесті.

Қазақстандық теннисші Юлия Путинцева Франция ашық біріншілігі - "Ролан Гаррос" турнирінің 1/8 финалына шықты, деп хабарлайды Vesti.kz порталы. 

Доданың үшінші айналымында отандасымыз қытайлық Ван Цянмен кездесіп, 1:6, 7:5, 6:4 есебімен жеңіске жетті. Екінші сетте қазақстандық теннисші 0:4, ал үшінші сетте 0:3 есебімен жеңіліп тұрып жеңісті жұлып кетті. Кездесу 2 сағат 19 минутқа жалғасты. 

WTA рейтингінде Путинцева 98 сатыда тұрса, Цян 85- орында. Бұл ойыннан кейін екі теннисшілер арасындағы кездесудің жалпы есебі 1-1 болды. 

"Ролан Гаррос-2018" турнирінің төртінші айналымында Путинцеваның қарсыласы Катерина Синякова мен Барбара Стрыцова арасындағы кездесудің жеңімпазы болады. 
 




  0