Қазақстан құрамасы Федерация кубогінде Жапониядан жеңіліп қалды

Осылайша біздің құрама Әлемдік топтың плей-офф кезеңіне шыға алмады.

Теннистен Қазақстанның қыздар құрамасы Федерация кубогінің Әлемдік топтың плей-офф кезеңіне жолдама беретін ойында Жапония құрамасынан жеңіліп қалды, деп хабарлайды Vesti.kz порталы. 

Жекелей сында Зарина Дияс Круми Нарадан 5:7, 4:6 ұтылса, Юлия Путинцева Нао Хибинодан 6:3, 6:4 есебімен үстем түскен. 

Сөйтіп, кездесудің жеңімпазы соңғы, жұптық сайыста анықталды. Онда Дияс пен Путинцева Мио Като мен Макото Ниномиямен кездесіп, 6:4, 7:5 есебімен жеңіліп қалды. 

Айта кетейік, Федерация кубогінің Азия және Мұхит аймағындағы бірінші тобындағы ойындар Нью -Дели (Үндістан) қаласында өтті. Доданың әлемдік тобының плей-офф кезеңіне шығуға жеті құрама таласып жатыр. Қазақстан құрамасы сапында Зарина Дияс, Юлия Путинцева,Гүзәл Айнитдинова және Жібек Құламбаева өнер көрсетті. 

Жеребенің қорытындысы бойынша, Қазақстан құрамасы "А" тобына түсті. Біздің құрама бұл топта Гонконгтан басқа Қытай және Үндістан құрамалары бар. "В" тобында Жапония, Өзбекстан, Тайланд, Оңтүстік Корея және Қытайлық Тайбэй құрамалы өнер көрсетеді. "А" және "В" тобының жеңімпаздары әлемдік топтың плей-офф кезеңіне шығатын жолдаманы сарапқа салды.




  0