Мені жекпе-жекке шақырғаннан гөрі есірткіні азырақ пайдалануға кеңес беремін. Виталий Кличко Тайсон Фьюриге жауап берді

Өткен аптанда Фьюри Кличконы кездесуге шақырды.

Аса ауыр салмақта WBC нұсқасы бойынша құрметті әрі мәңгі чемпионы Виталий Кличко ұлыбританиялық боксшы Тайсон Фьюриге жауап берді. Ол Киев мэрін шаршы алаңда кездесуге шақырған еді.

2015 жылы Фьюри Виталидің інісі Владимир Кличконы жеңген еді, алайда ол чемпиондық белбеулерінен айырылып қалды: басында оны стероидтарды қолданғаны үшін шеттеті, кейінірек оның қан құрамынан кокаинның қалдықтары табылды.

Қазанның басында Фьюри Виталий Кличкоға ұсыныс тастады. "Кличколардың үлкенімен жекпе-жек өткізгім келеді, себебі оның інісі маған лайықты қарсыластық таныта алмады", - деп жазды ұлыбританиялық боксшы Twitter желісіндегі парақшасында.

"Мен тек Фьюриге есірткіні азырақ пайдалануға кеңес беремін. Стероидтарды да аз қолдануы керек - бұл денсаулыққа зиян", - деді Кличко News One басылымына берген сұхбатында.

46 жастағы Виталий Кличко соңғы рет шаршы алаңға 2012 жылы күзде Мәскеу қаласында шықты.Ол кезде украиналық боксшы немістің Мануэль Чарраны нокаутқа түсіріп, Бүкіләлемдік бокс кеңесі (WBC) нұсқасы бойыншачемпиондық атағын қорғап қалды.

Тег:



  0