"Канелоның" промоутері қамауға алынды



"Golden Boy Promotions" промоутерлік компаниясының директоры  Оскар Де Ла Хойя Лос-Анджелес маңындағы Пасаден қаласында мас күйінде көлік жүргізгені үшін қамауға алынды, деп хабарлайды TMZ Sport.

25 ақпан күні полиция офицері Де Ла Хойя айдап келе жатқан Land Rover көлігін тоқтатқан. Офицер көлікті жылдамдықты асыра айдағаны үшін тоқтатқан. Сонымен қатар промоутердің жағдайы да күмән тудырған. Бірнеше сынақ алғаннан кейін промутер қамауға алынған. Бірақ арада бірнеше уақыт өткеннен кейін босатылған. 

Айта кетейік, бұған дейін Де Ла Хойя бірнеше есірткі және алкоголге тәуелділікке байланысты сауықтыру орталықтарында ем қабылдаған. 

Еске салайық, Де Ла Хойя бүгінгі таңда бірінші орта салмақтағы WBO тұжырымы бойынша әлем чемпионы Сауль "Канело" Альварестің промоутері болып табылады. Ол келесі кездесуін 6 мамыр күні отандасы кіші Хулио Сезар Чавеске қарсы өткізеді. Содан кейін "Канело" қазақстандық боксшы Геннадий Головкинмен кездесуі мүмкін. 





  0