Джейкобс Головкинмен өтетін жекпе-жектің алдында допинг сынақтан өтеді

Допинг сынақтан өту үшін боксшының өкілдері VADA-мен байланысқа шықты.

Америкалық боксшы Дэниэл Джейкобс (32-1, 29 КО) орта салмақта WBA (Super), IBO, WBC және IBF тұжырымдары бойынша әлем чемпионы Геннадий Головкинмен өтетін жекпе-жек алдында допинг сынақтан өтеді, деп хабарлайды Vesti.kz.

"Дэниэл Джейкобстың өкілдері бүгін VADA ұйымымен хабарласты. Жуық арада ол допинг сынақтан өтеді. Қазір соған байланысты құжаттар дайындалып жатыр", - деп жазады Майкл Монтеро есімді журналист өзінің Тwitter желісіндегі парақшасында. 

Еске салайық, Головкин мен Джейкобс арасындағы жекпе-жек 18 наурызда Нью-Йорктегі Madison Square Garden аренасында өтеді. Қазақстанда жекпе-жек "Қазақстан" және KazSport арналарынан көрсетіледі.




  0