Ресейлік бапкер Қазақстан құрамасының тізгінін ұстауы мүмкін

Қазіргі уақытта ҚФФ бұл маманның агенттерімен келіссөз жүргізіп жатыр екен.

Ресейлік маман Олег Кононов футболдан Қазақстан құрамасының тізгінін ұстауы мүмкін. KazFootball.kz мәліметі бойынша, 51 жастағы бапкердің агенттері Қазақстан футбол федерациясымен қазіргі уақытта соңғы келіссөздерді жүргізіп жатыр екен. Келісімшарт екі жылға жасалуы мүмкін. 

Кононов 2013 және 2016 жылдар аралығында "Краснодар" клубының тізгінін ұстаған кезде көпшілікке кеңінен танылды. 2014/2015 жылғы маусымда ол Ресей біріншілігінің үздік бапкері атанды. Бұл маманның бастамасымен "Краснодар" бірінші рет біріншіліктің қола жүлдесін жеңіп, Ресей кубогінің финалына және еурододаға жолдама алды. 

"Краснодардың" тізгінін ұстағанға дейін ол 2004 және 2008 жылдары молдавалық "Шериф" клубының жаттықтырды. Кейін украиналық "Карпаты" командасмен жұмыс істеп, Еуропа лигасының топтық кезеңіне шықты. 

Кононовтың тәлімгерлерінің қатарында Юрий Газинский, Александр Епуряну, Рэзван Кочиш, Ари, Рикардо Лаборде, Одил Ахмедов, Жоаозинью, Павел Мамаев, Андреас Гранквис секілді танымал футболшылар бар. 

Кононовтың соңғы жұмыс орны Грозный қаласының "Ахмат" клубы болды. Бұл клубпен ол 2017 жылдың қараша айына дейін жұмыс істеді. 

Еске салайық, Қазақстан футбол федерациясы өткен айда Бородюктің қызметінен кеткені туралы хабарлаған болатын. 55 жастағы маман Қазақстан құрамасымен жеті кездесу өткізіп, оның алтауында жеңіліп, бір кездесуде тең ойнады.








  0