Литвада жұмыс істейтін қазақстандық маманның командасы қатарынан 11 ойында жеңіске жетіп келеді

Оның командасы Литва біріншілігінде бірінші орында келеді.

Қазақстандық маман жаттықтыратын "Судува" командасы Литва біріншілігінде қатарынан 11 ойында жеңіске жетіп келеді, деп хабарлайды Vesti.kz порталының тілшісі. 

Бұл жолы "Судува" командасы "Стумбрастан" айласын асырды. Есеп 3:0. Голдарды Овидиус Вербицкас (48-пенальти), Риджино Сисилья (56) және қостанайлық "Тобыл" клубының бұрынғы ойыншысы Алассане Н'Диайе (59) соқты. 

Бұл "Судува" командасының 11 жеңісі. Чебурин шәкірттері үш рет тең ойнаған. 36 ұпаймен біріншілікте көш бастап келеді. Жалпы команданың жеңіліссіз келе жатқанына 16 ойын болды. 

Айта кетейік, "Судува" командасы 2016 жылдан бері қазақстандық маман Владимир Чебурин жаттықтырып келеді. Былтыр қазақстандық маманның бастамасымен Мариополь қаласының командасы тарихында бірінші рет Литва біріншілігінің жеңіп алды. Команда сапында Семир Керла ("Ертіс"), Жерсон Асеведо ("Қайрат") және Алассане  Н'Диайе ("Ертіс"/"Тобыл") секілді қазақстанда бұрын өнер көрсеткен футболшылар бар. 






  0