Криштиану Роналду екі баласының дүниеге келгенін сүйіншіледі

БАқ мәліметі бойынша, Роналдудың екіз ұлы дүниеге келіпті.

Португалия құрамасы мен мадридтік "Реалдың" шабуылшысы Криштиану Роналду Конфедерация кубогының алдында екі баласы дүниеге келгенін растап, ресми хабарлады. Бұл туралы Sports.ru порталы ақпарат таратып отыр. 

Кеше Роналду Ресей жерінде өтіп жатқан Конфедерация кубогының жартылай финалында Чили құрамасына қарсы кездесу өткізді. Ойынның негізгі және қосымша уақыттары 0:0 есебімен тең аяқталды. Сөйтіп, матч соңындағы пенальтиде Португалия құрамасы 3:0 есебімен жеңіліп, турнирдің финалына шыға алмады. 

Осы ойыннан кейін Роналду үшінші орын үшін өтетін кездесуде қатыспайтынын мәлімдеді. Сондай-ақ ол матчтан соң турнир алдында екі ұлының дүниеге келгенін хабарлады. 

"Дүниеге екі ұлымның келгеніне қарамастан Ұлттық құрамамыздың Конфедерация кубогында сәтті өнер көрсетуі үшін бар күшімді салдым. Өкінішке қарай, біз алдымызға қойған мақсатты орындай алмадық. Бірақ алдағы уақытта португалиялық жанкүйерлерді әлі талай қуантамыз деп сенемін. 

Ойыннан кейін Португалия футбол федеарциясының президенті мен құраманың бас бапкері мені қатты тебіренткен сөз айтты. Бұл сөздер ешқашан менің есімнен шықпайтын шығар. Ұлдарыммен бірінші рет кездесетініме қатты қуаныштымын", - делінген Роналдудың Фейсбукта жасаған мәлімдемесінде. 



Маусым айының басында БАҚ сурронат ана Роналдуға егіздерді - Матео деген ұл мен Ева деген қызды дүниеге алып келгенін хабарлаған еді. Шабуылшы әлі балалардың анасы кім екенін хабарлаған жоқ. 

Айта кетейік, 2010 жылы Роналдудың бірінші ұлы кіші Криштиану Роналду дүниеге келген болатын.Қазіргі уақытта Роналду ресми түрде ақпан айында Париж қаласында танысқан Джиорджина Родригеспен кездеседі. 










  0