Ең бастысы жеңіс емес, өмірде өз орныңды табу

Қатарынан үшін жыл бойы өткізіліп отырған жаппай жарыс биылғы жылы "Жастар жылы" аясында өткізілді.

Жыл сайынғы қайырымдылық марафоны Atyrau Marathon 2019 жарысы (42 шақырым, 21 шақырым, 10 шақырым, 3 шақырым және 1,2 шақырым қашықтықта) Атырау қаласы Бейбарыс алаңында өтті. Қатарынан үшін жыл бойы өткізіліп отырған жаппай жарыс биылғы жылы "Жастар жылы" аясында өткізілді. Былтыр екі мыңнан аса адам қаттысса, биыл желаяқтар саны үш мың болды, - деп хабарлайды Vesti.kz Атырау облысы Қорғаныс істері жөніндегі департаментінің баспасөз қызметінің басшысы майор Урбайза Абитоваға сілтеме жасап. 

Әскери қызметші майор Ермек Жазбаевтың баласы 8 сынып оқушысы Руслан да қатарынан қалмай 1,2 және 3 шақырым бағындырды.

Әкесінің айтуынша, Руслан былтыр да марафонға қатысқан көрінеді, алайда биылғы құштары басым болған екен, себебі таңғы сағат 6-дан тұрып Жағалаудың бойында алғашқы күні 3 шақырым, сосын 4шақырым және жылдамдыққа салып 5 шақырым бағындырып отырған. Балам алдынғы орын алмаса да, өз мүмкіндігінше намысқа тырысып, әскери оқу орнына түсуге ұмтылуға қадам жасай бастағанына мен қуаныштымын. Марафонға қатысайық деп мектептегі сыныптастарын, достарын, Давид есімді жиенін де үгіттеп дегеніне жетті.

"Мен атам мен әкемді мақтан тұтамын. Олар мені үнемі қолдайды. Мектепті үздік аяқтап, әскери оқуға түсіп ұшқыш болу мақсатыма жетіп, атамның сабырлық, ақыл, төзімділік және мәдениеттілік сияқты қасиеттерін бойыма сіңдіру - менің арманым, - деді өз әңгімесінде Руслан. - Мен отбасылық дәстүрді сақтауға және лайықты адам болуға күш-жігерімді салам.

Русланның атасы Тілекқабыл Жазбаев отставкадағы подполковник немересінің намысшыл екені, әскери мамандық таңдауына қарсы еместігі, керісінше ата мен әке жолын қуып, әскери әулетін жалғастыратынына қуаныш білдірді.
Әскери қызметшілердің балалары, әдетте, басқа балалардан ерекшеленеді, олар үлкен қалада емес, гарнизондарда өседі. Нақты немен ерекшеленеді? Ең алдымен, олар құрдастарына қарағанда ертерек есееді, өйткені қаланың түнгі клубтардағы кештерден, көңілді, мақсатсыз ойын-сауықтан, қалалық алаңдарда және саябақтарда сыра ішіп, өмірін уақытша жұмсаудан бойын аулақ ұстайды. Әскери қызметшілердің балалары тұрған жерін, мектебін, спорттық секцияларын үнемі ауыстырып ата-анасымен гарнизоннан гарнизонға көшіп жүреді.

Әскери бөлімдер мен полигондар әскери қалашықтарда орналасқтандқтан, әскерилердің балалары цирктерден, ойын-сауық саябақтарынан және би клубтарынан гөрі танктерге, жаяу әскери машиналарға немесе ракеталық кешендерге қарап өседі. Көшпенділер өмірін көріп өскен жасөспірімдер барлық әскери қызметтің қыр-сырын үйреніп, мамандық таңдауға келгенде, әкелерінің ізін басатыны таңқаларлық емес - олар әскери оқу орнына түседі. 





  0