Бүгін Чемпиондар лигасының 1/8 финалындағы ойындар басталады

Ойындар Астана уақытымен сағат түнгі 01:45-те басталады.

Бүгін түнде футболдан Еуропаның басты бәсекесі саналатын Чемпиондар лигасының 1/8 финалындағы ойындар басталады. 

Швейцарияның "Базель" командасы өз алаңында "Манчестер Ситимен" кездеседі. Бұл ойында Хосеп Гвардиола жаттықтыратын ағылшындық клуб фаворит екені даусыз. Екі ойын қорытындысы бойынша ғайыптан тайып "Базель" ширек финалға шықса, сенсация болары сөзсіз.

Қос команда арасындағы бірінші ойын бүгін түнде өтеді. Ойын Астана уақытымен сағат түнгі 01:45-те басталады.

Сондай-ақ бүгін түнде "Ювентус" пен "Тоттенхэм" командалары арасындағы алғашқы ойын да өтеді. Букмекерлік орталықтар италиялық клубтың келесі кезеңге шығу мүмкіндігін аз да болса жоғары бағалап отыр.


  0