Мәскеулік "Спартактың" бұрынғы шабуылшысы қазақстандық клубтан кетті

Козлов Ресейдің жастар құрамасы сапында сегіз кездесуге қатысып, үш гол соққан.

24 жастағы ресейлік шабуылшы Александр Козлов "Оқжетпес" сапынан кетті, деп хабарлайды Vesti.kz порталы. 

Көкшетаулық командаға ол 2017 жылдың қаңтар айында келген еді. Келісімшарт маусымның соңына дейін жасалған. 

Козлов көкшетаулық команда сапында 29 кездесу қатысып, төрт гол және бір нәтижелі пас берді. Ол мәскеулік "Спартак" клубының тәлімгері. Бұл клубтың құрамында ол 2010 және 2016 жылдар аралығында 28 кездесу ғана қатысып, бір гол соғып, 2011/12 маусымда Ресей біріншілігінің күміс жүлдегері атанды. 

Сонымен қатар ол "Химки", "Тосно" және "Факел" секілді Ресейдің бірінші лигасында клубтардың намысын қорғаған. Козлов сондай-ақ Ресейдің жастар құрамасы сапында сегіз кездесуге қатысып, үш гол соққан. 



  0