"Ордабасы" футболшылар алдындағы барлық қарыздарынан құтылды

Бұл туралы клубтың футболшылары айтып берді.

Шымкенттік "Ордабасы" клубы футболшылар алдындағы барлық қарыздарынан құтылып, 2017 жылғы барлық сыйақыларын берді, деп хабарлайды Vesti.kz порталы. 

Өткен жылдың жазынан бері шымкенттік клубтың футболшылары жалақыларын ала алмай келді. Сондықтан да олар 5 қараша күні өткен Қазақстан Премьер-лигасының соңғы турында "Оқжетпеске" қарсы өтетін кездесуге шықпайтындарын айтқан еді. 

Бірақ бүгін Vesti.kz порталының тілшісіне команданың футболшылары Таңат Нөсербаев, Бақдәулет Қожабаев және Бекзат Бейсенов секілді футболшылар клубтың барлық қарыздарынан құтылғанын айтты. Жалақы және барлық сыйақылар толық көлемде берілген. 

"Біздің клубқа ешқандай мініміз жоқ", - дейді футболшылар. 

Еске салайық, ел біріншілігінің қорытындысы бойынша "Ордабасы" қола жүлдегер атанып, келесі жылы Еуропа лигасының електеу кезеңінде өнер көрсетуге мүмкіндік алды. 







  0