Еуропа чемпионатына атсалысқаны үшін қазақ клубтары УЕФА-дан 1,2 миллион еуро сыйақы алды

Қазақстандық клубтар арасында ең көп сыйақыны "Қайрат" алады.

Франция жерінде өткен Еуропа чемпионатына атсалысқаны үшін Қазақстан біріншілігінде өнер көрсететін клубтар 1 миллион 199 386 еуро көлемінде сыйақы алады. Мұндай ақпаратты УЕФА-ның ресми сайты хабарлап отыр. 

Жалпы Еуро-2016 додасы аясында футболшыларын іріктеуге жібергені үшін 641 клуб УЕФА тарапынан 150 миллион еуро көлемінде сыйақы алады. 

УЕФА-ның атқарушы комитетінің шешімі бойынша, оның 100 миллионы футболшылары турнирдің финалдық кезеңіне шыққан клубтар, ал 50 миллионы іріктеуге қатысқан футболшылардың клубтары алады. Бұл 2012 жылғы Еуропа чемпионатынан кейінгі берілген сыйақыдан 50 миллион еуроға көп. 

Сыйақыны УЕФА-ға мүше барлық 54 елдің клубтары алады. Еуро-2016 турнирі барысында жалпы іріктеуде 329 матч, финалдық кезеңінде 51 матч өтті. 

Қазақстандық клубтар арасында ең көп сыйақы "Қайрат" клубына тиесілі. Алматылық ұжымға УЕФА 316 225 еуро берсе, "Ақтөбе" - 239 664, "Астана" клубының есепшотына  217 489 миллион еуро аударылады. 

УЕФА тарапынан қазақстандық клубтарға бөлінетін сыйақы көлемі: 

1. "Қайрат" - 316 225
2. "Ақтобе" - 239 664 
3. "Астана" - 217 489
4. "Ордабасы" - 150 355
5. "Шахтер" - 87 707
6. "Тараз" - 50 118
7. "Атырау" - 45 941
8. "Ертіс" - 33 412
9. "Тобыл" - 29 235
10. "Қайсар" - 16 706
11. "Жетісу" - 8 353
12. "Окжетпес" - 4 176




  0