Сербия құрамасының жартылай қорғаушысы үшін "Атырау" бар болғаны 50 мың еуро төлепті

Ал Transfermarkt.de порталы бұл ойыншыны 300 мың еуроға бағалап отыр.

Сербиялық "Явор" клубының президенті Драгомир Лазович Йован Джокичтің "Атырауға" қаншаға сатқанын ашық айтты. 

24 жастағы Джокичтің "Атырау" сапына ауысқаны туралы 21 қаңтарда мәлім болған еді. Клуб пен футболшы бір жылдық келісімшартқа қол қойған. 

"Джокичтің трансфері үшін біз 50 000 еуро аламыз. Екі клуб арасындағы келісім бойынша "Атырау" аталған сомманы бөліп төлейді. Қазір біздің қарызымыз жоқ. Бірақ маусымды ойдағыдай аяқтау үшін, біз Йованды сатуға мәжбүр болдық", - дейді Лазович Novosti.rs басылымына берген сұхбатында. 

Ал футболшылардың нарықтағы бағасын қадағалап отыратын Transfermarkt.de порталы бұл ойыншыны 300 мың еуроға бағалап отыр. 


  0