"Спорттағы мансабымды аяқтайтын шығармын" – Рейхерд

Қазақстандық спортшы Пхенчханда жүлделі орыннан үміттілердің бірі еді.

Қазақстандық фристайлшы Дмитрий Рейхерд алдағы жоспарлары мен келесі Олимпиада ойындарына қатысу жайы туралы айта кетті, - деп хабарлайды Vesti.kz тілшісі.

- Осы маусымды аяқтау қажет. Ал келесі Олимпиадаға қатысуым белгісіз. Жас та келіп қалды. Спорттағы мансабымды аяқтайтын шығармын, - деді спортшы.

Айта кетейік, Дмитрий Рейхерд Пхенчханда жүлделі орыннан үмітті спортшылардың бірі еді. Алайда екінші финалдық кезеңде қателесіп, төрешілер тарапынан аз ұпай алды. Нәтижесінде жүлделі орынға іліге алмаған еді. Ол Оңтүстік Корея жерінде төртінші Олимпиадасына қатысты.


  0