"Реал" капитаны Зиданға қажет болып қалды

Қорғаушы клуб президентімен алауыздық салдарынан кетпек.

Мадридтік "Реалдың" бапкері Зинедин Зидан команда капитаны Серхио Рамоспен жеке кездесіп, оның клубтан кетпеуін сұрады, - деп хабарлайды Marca.

Мұның алдында 33 жастағы испаниялық клуб президенті Флорентино Переспен алауыздық салдарынан командадан кететіні хабарланған еді. Капитан мен команда арасындағы қатынас "Реалдың" Чемпиондар лигасынан шығып қалғаннан кейін бұзылған. 

Рамос команда бапкеріне қазіргі жағдайды түсіндірген және басындағы қиындықтары мен қауіптері туралы айтқан. Өз тарапынан Зидан футболшының Мадридте қалуына болысуға уәде еткен. Бапкер команданы қайта құруда испаниялықты маңызды тұлға ретінде көреді. 

Рамостың тағдыры демалыстан оралып, Переспен кездеске соң шешіледі деп күтілуде. 2016 жылы ойыншы мен клуб арасындағы осыған ұқсас жағдай Америкада өткен кездесуде реттелген еді. 

Рамос "Реал" сапында 2005 жылдан ойнап келеді. Биылғы маусымда қорғаушы 42 матчта ойнап, 11 гол салды және екі нәтижелі пас берді. Футболшының клубпен келісімшарты 2021 жылға дейін жасалған. "Реал" Испания чемпионатын үшінші болып аяқтады және ел Кубогы мен Чемпиондар лигасынан шығып қалды. 


  0