"Реал" жаздық трансферге 600 миллион еуро дайындады

Зидан басты мақсатты белгіледі.

Мадридтік "Реал" алдағы жазда трансферге 600 миллион еуро жұмсауы мүмкін. Бұл туралы "Чемпионат" порталы Le Parisien басылымына сілтеме жасап хабарлады.

Ақпарат бойынша, мадридтік клуб басшысы Флорентино Перес бас бапкер Зинедин Зиданға маусым аралығында тамаша трансферлік жұмыс өтетініне кепілдік берді. Сонымен бірге, бапкер сұрауы бойынша клуб ПСЖ ойыншысы Килиан Мбаппені сатып алуға да тырысады.

Мұның алдында "Реалда" жаздағы екі трансфер жағдайы бапкермен келісілді - "Порту" қорғаушысы Эдера Милитао және "Сантос" вингері Родриго. Біріншісі 50 миллион еуро, ал екіншісі  - бес милионға арзан түседі.

"Реал" Испания чемпионатындағы маусымды үшінші аяқтап, "Барселонадан" рекордты 19 ұпай артта қалды.


  0