"Челси" бапкерді ауыстырып, Лэмпардты қайтармақ

Қазір бұрынғы футболшы бапкерлікпен айналысуда.

"Челси" футбол клубы жазда бас бапкерді ауыстыруы мүмкін, - деп хабарлайды Sport Mediaset.

Басылым ақпаратынша, клуб басшылығы Маурицио Сарриді алмастыратын адамды тауып та қойған. Ол "Челсидің" бұрынғы хавбегі Фрэнк Лэмпард, қазір ол "Дерби Каунти" клубын жаттықтырып жүр.

Сарри "Челсиді" былтыр жазда жаттықтыра бастаған. Италиялық маманның жетекшілігімен клуб Англия чемпионатында үшінші болды және англиялық Кубоктың финалына жетіп, "Манчестер Ситиден" ұтылды. 29 мамыр Бакуде өтетін Еуропа лигасының финалында "Челси" лондондық "Арсеналмен" ойнайды.

Мұның алдында "Челси" иесі Роман Абрамович италиялық маманды жанкүйерлермен нашар қарым-қатынасы үшін орнынан босатқысы келетінін хабарланған. Клуб басшылығы Лэмпардтың келуі жанкүйерлермен байланысты жақсарта түседі деген сенімде.

Лэмпард "Челси" сапында 2001 және 2014 жылдар аралығы ойнаған. Англиялық клуб үшін ол 648 матч өткізіп, 211 гол салды және АПЛ-дің үш чемпиондық титулын жеңіп алды, сондай-ақ. Чемпиондар лигасын ұтқан. Былтыр мамырда Лэмпард АПЛ-ге шығуға үмітті "Дерби Каунти" клубын жаттықтыра бастады.

27 мамыр "Уэмбли" стадионында өтетін Чемпионшип плей-офф кезеңінің финалында Лэмпардтың командасы "Астон Вилламен" ойнайды.


  0