ПСЖ "Реалдың" үш ойыншысын 200 миллионға сатып алмақ

Олар Зиданның жоспарында жоқ.

Мадридтік "Реалдың" үш ойыншысы франциялық "Пари Сен-Жермен" қызығушылығын тудырып отыр.

Le Parisien ақпаратынша, париждіктер назарына жартылай қорғаушылар Иско, Тони Кроос және шабуылшы Гарет Бэйл ілігіп отығанға ұқсайды. Үш ойыншы да "Реалдың" бас бапкері Зинедин Зиданның жаңа команда құру бойынша жоспарына кірмейді екен.

Оның үстіне "Реал" футболшыларды сату арқылы жақсы кіріс көрмек. Мадридтіктер Исконы 60 миллион, Кроосты - 80 миллион, ал Бэйлды - 70 миллион еуроға бағалап отыр.

Биылғы маусымда 27 жастағы Иско Испания премьерасында 26 матчке қатысып, үш гол соқты және екі нәтижелі пас берді. 29 жастағы Кроос есебінде 28 ойын, төрт ассист. Ал 29 жастағы Бэйл сегіз гол соқты, үш пас берді, бұл 29 ойында көрсеткен нәтиже.


  0