"Тараз" қорғаушысы үш айға ойындардан шеттелді

Ойыншы спорттық емес әрекет үшін жазаланды.

"Тараз" футбол клубының қорғаушысы Рахымжан Розыбакиев ҚФФ және ҚКФЛ аясындағы барлық жарыстан үш айға шеттелді. Қазақстанның футбол федерациясының Бақылау-тәртіптік комиссиясының отырыснда осындай шешім шығарылды. 

Розыбакиев премьер-лигасынң "Ертіске" қарсы матчінің бірінші таймында қызыл қағаз алды. 

"Матчтің ресми тұлғаның ар-намысына тиетін әрекеті үшін, нақты айтқанда, иығымен кеудесінен қаққандықтан Тәртіптік регламенттің 53-бабы бойынша "Тараз" ФК ойыншысы Рахымжан Розыбакиев ҚФФ және ҚКФЛ аясындағы барлық жарыстан үш айға шеттеледі. Шеттеу мерзімі 2019 жылдың 11 сәуірінен есептеледі", - делінген хабарламада. 






  0