Ресейлік агент қазақстандық Зайнутдинов пен Сейдахметтің Ресей премьер лигасындағы мүмкіндігін айтты

Ол футболшыларды салыстырды.

Ресейлік футбол агенті Рустам Раджабов Vesti.kz тілшісіне берген сұхбатында қазақстандық Бахтиер Зайнутдинов пен Еркебұлан Сейдахметтің РПЛ-дегі болашағына болжам жасады.  

- Жақында Бахтиер Зайнутдинов "Ростовқа" ауысуымен Қазақстанның трансферлік нарығын дүр сілкіндірді, қалай ойлайсыз ресейліктер оны көптен бері көздеді ме?

Ростовтықтар ол жігітті өткен маусым бойы қадағалап келді. Оның КПЛ-дегі ғана емес, еурокубоктардағы ойнына де көз салып жүрді. Сондықтан бұл трансфер мен үшін күтпеген жағдай болмады. 

- "Ростовқа" қандай позицияда пайдалы болуы мүмкін?

- Бахтиер - әмбебап ойыншы, бірнеше позицияда бола алады. Құрама мен клубта түрлі позицияда жүрді, бірақ, ол қорғаудан гөрі шабуылға жақсы. Жақында ғана "Ростовтан" жартылай қорғаушы Артур Юсупуов мәскеулік "Динамоға" ауысты. Зайнутдиновты соның орнына алған сияқты. 

- Оның ауысуы болашаққа қамдану ма, әлде маусымның екінші кезеңіне күшею ме?

- Екеуі де. Валерий Карпинде ол өзінің зор әлеуетін көрсете алса, "Ростов" оған ресейлік топ клубтарына саты болуы мүмкін. Зайнутдиновте ол үшін бәрі бар. 

- Ол Сейдахметтің жолын қайталай ма, әлде тәжірибесі есебінен өзгешелеу болу керек па?

- Оларды салыстырсақ, қазір Сейдахметтен гөрі Зайнутдинов артықтиау дер едім. Еркебұланға ет өсіріп, ҚПЛ-де есейіп алып барып, күштірек чемпионатқа өту керегін бірнеше рет айтқанмын. Ал Бахтиер керек тәжірибесін жинады да, ілгерлеп келеді. 

- Сейдахметке не істеу қажет - өзін "Уфада" көрсетуге тырысу немесе "Қайратқа" өткен жөн бе?

- Сейдахметпен келісімшарт Шамиль Газизовтың оң шешімі. Клуб трансферге де жұмыс істейді. Соныдқтан "Уфа" жастарды қабылдайды. Уфалықтардың қазіргі таңда турнир кестесіндегі көрсеткіштері мәз емес, сол себепті жоғары дивизионда қалу үшін тәжірибелі әрі сенімді ойыншыларға мән беріледі. Еркебұлан бірнеше рет жарақаттанды, сондықтан оны "Қайратқа" жалға беру дұрыс шешім сияқты. 

- Қазақстандықтар осы жазда-ақ Ресейде легионер есептелмейтін болатыны айтылып жүр. Бұл басқа да футболшыларға мүмкіндік береді, әлде бұл қаңқу сөз бе?

- Бұл көптен бері талқыланып келеді. Бірақ жылдан жылға өзгеріс жоқ. Бұл жазда бірдеңе өзгере қояды деп ойламаймын, бәрі қауесет деңгейінде қалып отыр.

Еске салайық, 20 жастағы Қазақстан құрамасының ойыншысы "Ростовқа" ауысқаны 12 қаңтарда хабарланды. Зайнутдинов жаңа клубы үшін жолдастық кездесуде ойнап та үлгерді. Дегенмен клуб оны әлі РПЛ-ге шығара алмайды.


  0