Криштиану Роналду Чемпиондар лигасында алғаш рет алаңнан қуылды

Футболшы көз жасын жасыра алмады.

Туриндік "Ювентустың" шабуылшысы Криштиану Роналду Чемпиондар лигасындағы алғашқы тур аясындағы "Валенсиямен" ойында қызыл қағаз алды. 

Роналду ойынның 29-шы минутында есеп әлі 0:0 боп тұрғанда алаңнан қуылды. Кездесудің бас төрешісі Феликс Брих көмекшісінің сөзінен кейін бірден қызыл қағаз көрсетті. "Ювентус" футболшысы "Валенсияның" қорғаушысы Джейсон Мурильомен қығысып қалғаны үшін жазаланды.

Бұл Криштиану Роналду үшін Чемпиондар лигасы матчтарынан алғаш рет қуылуы болып тұр. Португалиялық алаңнан кетерде көз жасын жасыра алмады. 



Валенсияның "Месталья" стадионында өткен матч, "Ювентустың" жеңісімен аяқталды (есеп 2:0).


  0