Зидан "Ювентусқа" Роналдудың жанына барудан бас тартып, Моуриньоның орнын қалап отыр



Мадридтік "Реалдың" бұрынғы бапкері Зинедин Зидан ағылшындық премьер лигадағы клубты басқарғысы келтінін жасырмады. 

L'Equipe басылымының мәліметінше, 46 жастағы француздық маман Жозе Моуриньо басқарып отырған "Манчестер Юнайтед" клубының бас бапкері болуды қарастырып отыр. Португалиялық маман өткен маусымда бірде бір жарыста жеңіске жете алмағаннан кейін, барлық тараптан қысымға алынды. 

"Юнайтед" басшылығы Моуриньо 2018/2019 маусымының соңында орнынан кеткен жағдайда бас бапкер ретінде Зиданның кандидатурасын қарастырып отырғанын мәлімдеген еді.

Сондай-ақ, Зидан туриндік "Ювентусқа" ауысуы мүмкін екені туралы айтылды. Криштиану Роналдудың туриндік командаға ауысуы басты себеп болған. 

Зидан "Реал" клубына 2016-2018 аралығында басқарды. Биыл маусым айында ол демалу үшін және өз өзіне келу үшін үзіліске шықты. 



  0