Франция құрамасының жанкүйері жеңіске қуанғаннан желкесін үзіп, мерт болды

Дәрігерлер ер адамды құтқарып қала алмады.

Франция құрамасының 50 жастағы жанкүйері ұлттық команданың 2018 жылғы чемпионаттағы жеңісін тойлау кезінде мерт болды, - деп хабарлайды The Local.

Оқиға елдің оңтүстік-шығысындағы Анси қаласында болды. Франция мен Хорватия арасындағы финалдық матч аяқтала салысымен ер адам қуаныштан су арнасына секіріп, желкесін үзіп алды. Бұл жердегі су таяз болып шыққан. Оқиға орнына келген дәрігерлер ер адамды құтқара алмады. 

Сонымен бірге, Францияның бірнеше қаласында ел құрамасының 2018 жылғы чемпионаттағы жеңісті тойлау кезінде тәртіпсіздіктер орын алған. Полициця жиналғандарды тарату үшін көз ашытатын газ бен су атқыштар пайдаланған. 

Франция құрамасы Хорватияны 4:2 есебімен ұтып, өз тарихында екінші рет чемпион болып отыр. 


  0