"Реал" 2018 жылы әлем біріншілігінде ең үздік футболшы атанған ойыншыны алмастыратын адам тапты

Ресейде өткен әлем біріншілігінде небәрі екі гол салған Лука Модрич ӘЧ-2018 ең үздік футболшысы атанды.

Мадридтік "Реал" хорват футболшысы Лука Модрич командададн кеткен жағдайда лондондық "Тоттенхэм" жартылай қорғаушысы, даниялық Кристиан Эриксенді сатып алу нұсқасын қарастырып отыр, - деп хабарлайды The Mirror.

Осыған дейін, футболдан Хорватия құрамасының жартылай қорғаушысы Лука Модрич "Реал" басшылығына мадридтік клубтан кеткісі келетінін мәлімдеді. Миланның "Интер" клубының 32 жастағы ойыншыға қызығушылық танытқаны айтылады. Басылымның мәліметінше, италиялық клуб футболшыны 60 миллион еуроға сатып алып, жылына 10 миллион еуро жалақы береміз деп ұсыныс жасап отыр. Алайда футболшы ол үшін 4 жылға келісімшартқа отыруы тиіс екен. Ал мадридтік клубтың президенті Флорентино Перес Модрич үшін кімде-кім 750 миллион еуро бермесе, хорват футболшысын оңайлықпен бермейтінін айтқан. 

ӘЧ-2018 күміс жүлдегері "Реалға" байкот жариялады


Модрич "Реал" сапында 2012 жылдан бері өнер көрсетіп келеді. Оның келісімшарты 2020 жылдың жазына дейін. Мадридтік клубтың намысын алты жыл қорғап келген хорват әр түрлі жарыстардан 14 рет чемпион атанған, оның ішінде төрт рет Чемпиондар лигасы бар. 

Ресейде өткен әлем біріншілігінде небәрі екі гол салған Лука Модрич ӘЧ-2018 ең үздік футболшысы атанды.

26 жастағы Эриксен 2017/2018 маусымында "Тоттенхэм" сапында барлық турнирлерде 47 ойынға қатысып 14 гол салған. Даниялық футболшы өз елінде төрт рет ең үздік футболшы атанған.

Айта кетейік, таяуда Криштиану Роналду да "Реал" командасынан Италияға ауысқан болатын. Ол "Ювентуспен" төрт жылға келісімшартқа отырды. Осылайша, оның жалақысы жылына 30 миллион еуроға жететін болады.


  0