Қазақстанның ММА құрамасы әлемдік рейтингте бірінші орынға көтерілді

Рейтингте 58 ел көрсетілген.

ММА-ден Қазақстан құрамасы 2019 жылғы Азия чемпионатында жалпы командалық есепте әлемдік рейтингте көшбастады, - деп хабарлайды Vesti.kz.

Жалпы тізімде 58 ел бар. Қазақстаннан кейін Бахрейн, ал үшінші орында Швеция. ТОП-10 тізімде Жаңа Зеландия, Ресей, Аустралия, Англия, ОАР, АҚШ және Мексика.

Тайланда өткен жарыста Қазақстан құрамасы жеті алтын, тоғыз күміс және бес қола жүлде иеленді. Осылайша, жалпы командалық есепте бірінші болды. 

Еске салайық, Қазақстанда ММА-дің біріккен федерациясы 2018 жылы желтоқсанда құрылды. Федерацияға Ғалымжан Есенов жетекшілік етеді, бас директоры Уалихан Тен. Республикалық бірлестік Кәрім Мәсімов басшылық ететін Қазақстанның жауынгерлік өнер қауымдастығының аясында жұмыс атқарады. 



  0