"Қай ел мектебі мықты?". Fight Nights Global президенті Хамитовтың титулды жекпе-жегі жайлы

Кездесу сәуірде өтеді.

Fight Nights Global президенті Камил Гаджиев қазақстандық Қуат "Найман" Хамитов (20-5-1) пен әзірбайжандық файтер Нариман Аббасов (23-3) арасындағы жекпе-жектің міндетті түрде өту керегі жайлы айтты, - деп хабарлайды Vesti.kz.

Еске салайық, спортшылар жеңіл салмақта Fight Nights Global белбеуі үшін жұдырықтасады. Кездесу 26 сәуір Мәскеу маңындағы Мытищи қалашығында өтеді.

"Өтуі міндет. Неге? Өйткені екеуі де бізде үздік саналады. Өз елдерінде танымал. Сондықтан қай мектеп күштірек екенін анықтау керек сияқты. Әзірбайжан немесе Қазақстан? Сосын жеңіл салмақта кім мықты? Екеуі де жоғары деңгейдегі жігіттер, бірақ, белбеу бір елге ғана бұйырады. Бұл ол елде ММА қарыштап дамиды дегенді білдіреді. Онсыз да жақсы дамыған, дегенмен, елге белбеуді алып келу - айтулы оқиға. Екеуінің арасында жеккөрініш жоқ. Бұл енді промоушен үшін қаншалықты жақсы немесе жаман екенін білмеймін", - дейді Гаджиев. 



  0