UFC-ден бас тартқан қазақстандықтың бапкері титулды жекпе-жекке дайындық туралы айтып берді

Файтер жаттығу лагерін аяқтады.

Қазақстандық ММА файтері Шавкат "Номад" Рахмоновтың бапкері Баян Жанғалов Vesti.kz тілшісіне Алматыда өтетін M-1 Challenge 101 турниріндегі ресейлік Данила Приказамен жекпе-жекке дайындық қалай өтіп жатқанын айтып берді.

- Жаттығудың негізгі бөлігін Көкшетауда өткіздік. Жекпе-жек өтетін уақыт пен орын көпке дейін белгісіз болды. Қалыпты жағдайда жаттықтық. АҚШ-та жаттығу лагерін өткіземіз деп ойлап отырмыз, бірақ, титулды жекпе-жектен кейін. Мұхиттың арғы жағында Шавкат үшін пайдалы сапрринг-серіктер көп. Алматыға ертерек келдік, жерсіну үшін, - деп атап өтті Жанғалов. 

- Шавкаттың дайындығы қаншалықты деп бағалайсыз?

- Жақсы дайындалдық. Өзін жақсы сезінеді, алайда, осы жекпе-жектен кейін ғана толық айтуға болады. 

- Қарсыласты талдадыңыздар ма?

- Барлық сырды ашпай-ақ қояйын. Әрбір команда мен бапкердің жоспары болады. Қарсыласымыз стандартты емес. Стратегиясын болжау қиын. Төбелесқұмар, мінезді жігіт. Шавкат онымен аяқта тұрып соққы алмасуға да, күресуге де дайын. Оның стиліне икемделмей, өз білгенінше жұдырықтасу керек. 

- Жекпе-жектен кейінгі жоспар?

- Басты мақсатымыз - UFC. Шавкаттың өзі бала кезінен чемпиондардың жұдырықтасуын тамашалап өскен және ең атақты промоушенге шығуды армандаған. М-1 Ресейдің ең ілгерлі промоушендерінің бірі және бастапқы қадамға ыңғайлы орын. Титулды жеңсек, бір рет қорғау өткізуіміз қажет. Осыдан кейін ғана UFC-ге өте аламыз. Бұл ұйымнан ұсыныс болғаны белгілі. Бізге төрт жекпе-жекке, алайда, ол кезде титул үшін жұдырықтасудан бас тартуымыз керек еді. Оған құықымыз жоқ деп есептедік. Осы кездесуден кейін ауысу жолдарын қарастырамыз. 


  0