Хабиб кіммен болсын жұдырықтасады: түйе, есек, аю - Нурмагомедовтың менеджері

Оның сөзінше, Конор қарымтадан қашып жүр.

Жеңіл салмақта UFC чемпионы ресейлік Хабиб Нурмагомедовтың менеджеді Али Абдель-Азиздің ойынша Конор Макгрегор қарымта жекпе-жектен қашқақтап жүр. Менеджердің сөзін TMZ.com порталы келтіріп отыр.

"Конор қарымта сұрамады. Ол екінші жекпе-жек туралы ойлап та жүрген жоқ. Әкесі қарымтадан қорқады, анасы, балалары, әйелі. Бүкіл Ирландия. Қарымта сөзінен үркеді. Бүкіл Ирландияны үрей басты.

Ол Х әрпінен басталатын барлық сөзден үркеді. Ал Хабиб кіммен болсын жұдырықтасуға дайын: түйе, есек, аю. Тіпті жолбарыспен айқасуға даяр. Бір ғана нәрсе білем: Конор өз күнін тыныштық пен бейбітшілкте өткізуін қалаймыз. Көтере алмайтын шоқпарды беліне байламайтынын біліп жүрсін", - дейді Абдель-Азиз.


  0