"Ол маймыл, келгенін қаламаймын". Жалғас Жұмағұлов МакГрегордың Қазақстанға келу мүмкіндігі жайлы

Ирландиялық шақырса келуге дайын екенін айтқан еді.

Fight Night Global чемпионы қазақстандық Жалғас Жұмағұлов Vesti.kz тілшісіне берген сұхбатында UFC-дің ирландиялық файтері Конор МакГрегордың Қазақстанға ықтимал сапары жайлы пікірін айтты.

Естеріңізге салсақ, таяуда Конор қазақстандық ММА мен бокс туралы сұраққа жауап беріп жатып, Қазақстанға шақырса, барып қалуы мүмкін екенін айтқан болатын.

"Макгрегор - маймыл. Айтқандары бос сөз. Оның өмір салты ұнамайды. Қазақстанға келгенін қаламаймын. Егер келсе, ешкім оған бармасын деп айтқым келеді. Ол тек лас нәрсеге үйретеді", - деді Жұмағұлов.

Айта кетейік, 31 жастағы Жалғас Жұмағұлов 19 қазанда Сочиде өткен Fight Nights Global 95 турнирінде 34 жастағы ресейлік Али Багаутиновты жеңіп, чемпиондық титулын қорғап қалған болатын.


  0