Қарсыласын 11 секундта жеңген ММА файтері рекорд орнатты

Беларусь спортшысы Эдуард Муравицкийге қарсы жекпе-жек 11-секундта аяқталды

ММА файтері израильдік Авив Гозали Bellator турнирі тарихындағы ең жылдам жеңіске қол жеткізді. Жекпе-жектің видеосы ұйымның Twitter-аккаунтында жарияланды, - деп хабарлайды Tengrinews.kz тілшісі. 

Беларусь спортшысы Эдуард Муравицкийге қарсы жекпе-жек 11-секундта аяқталды. Гозали алғашқы секундтарда қарсыласын құлатып тастап, аяғын қайырған. Нәтижесінде Муравицкий жекпе-жекті жалғастыра алмады. 

Бұған дейін сол қолы жоқ спортшы Ник Ньюэлл Bellator турнирінде дебютін өткізген еді. 33 жастағы америкалық файтер отандасы Кори Браунингті бірінші раундта қылғындыру әдісімен жеңген болатын

Bellator 225 турнирінің басты жекпе-жегінде ресейлік Сергей Харитонов америкалық Мэтт Митрионнан айласын асырған.



  0