"Енді оны нокаутқа түсірем". Тайсон Фьюри жеңілмеген америкалықпен қарымтасы жайлы

Деонтей Уайлдермен алғашқы кездесу тең аяқталған.

Аса ауыр салмақта бұрынғы әлем чемпионы британиялық Тайсон Фьюри (28-0-1, 20 КО) WBC белбеуіне ие америкалық Деонтей Уайлдермен (40-0-1, 39 КО) келесі жекпе-жекте анық жеңіске жететінін айтады. Боксшының сөзін ESPN келтіріп отыр.

"Мен жіберген жалғыз қателік - адал шешім болатынына сенгенім. Олай болмады, сондықтан ендігіде жеңу үшін, мен ол жігітті нокаутқа түсіруім керек. 

Бірінші жекпе-жекті еске алайықшы. Мен таза ұттым. Он раундта мықты болып, екеуінде ғана есе жіберсең, қалай жеңбейсің? Ол екі раундта мен нокдаунда болдым. Қарымтада мен оны сұлатам", - дейді Фьюри.

Еске салайық, боксшылар арасындағы бірінші жекпе-жек 1 желтоқсан Лос-Анджелесте өтіп, тең аяқталған. Ал 14 қыркүйекте өтетін келесі жекпе-жегінде Тайсон Фьюри жеңілмеген швециялық Отто Валлинмен (20-0, 13 КО) жұдырықтасады. 


  0