Головкинмен жекпе-жектен кейін Деревянченко рекорд орнатып, Ломаченко мен Усиктен асып түседі

Ол өз карьерасындағы ең үлкен гонорардан он есе көп алмақ.

Украиналық Сергей Деревянченко (13-1, 10 КО) қазақстандық Геннадий Головкинмен (39-1-1, 35 КО) жекпе-жекте өз елінен шыққан боксшылар арасында гонорар бойынша рекорд орнатуы мүмкін, - деп хабарлайды "Обозреватель".

Мұның алдында Деревянченко 5,5 миллион доллар табыс көруі мүмкін екені айтылған.

Осылайша, Деревянченко Украинаның үш бірдей чемпионынан асып түседі: жеңіл салмақта WBA (Super) және WBO титулдарына ие Василий Ломаченко (13-1, 10 КО) британиялық Люк Кэмбеллмен (20-2, 16 КО) жекпе-жек үшін төрт миллион алады. Бірінші ауыр салмақта бұрынғы абсолют чемпион Александр Усиктің (16-0, 12 КО) рекордты гонорары екі миллион, ал жартылай ауыр салмақта WBC чемпионы Александр Гвоздиктің (17-0, 14 КО) ең үлкен табысы бір миллион болған екен. 

Еске салайық, 5 тамызда IBF бос қалған белбеу үшін Деревянченко мен қазақстандық Геннадий Головкин (39-1-1, 35 КО) жекпе-жегіне рұқсат берді. Тараптар келіссөз жүргізіп жатыр. Бұл жекпе-жек 5 қазан Нью-Йорктегі Madison Square Garden аренасында өтеді деп күтілуде.


  0