"Бэнкс талап етті, Головкин орындады". Журналист GGG жаттығу лагерінің егжей-тегжейін ашты

Қазақстандық рингке 8 маусымда шығады.

ESPN арнасының америкалық беделді журналисті Стив Ким жаңа бапкер Джонатан Бэнкспен дайындалып жатқан қазақстандық Геннадий Головкиннің (38-1-1, 34 КО) жаттығу лагерінің егжей-тегжейімен бөлісті. 

Қазір Бэнкс GGG-ді 8 маусым Нью-Йорктегі Madison Square Garden аренасында өтетін канадалық Стив Роллсқа (19-0, 10 КО) қарсы жекпе-жегіне дайындап жатыр. Кездесу аралық салмақта - 164 фунтта өтеді және DAZN стриминг қызметіндегі алғашқы болады. 

"Соңғы уақытта Бэнкспен көп тілдестім. Өте ақылды жігіт. Головкинмен ақша үшін емес, адал еңбек үшін келгені көрініп тұр.

Спарринг-сессия кезінде Головкин төрт минуттық алты раунд сұрап, ал раунд арасында 30 секунд демалысты қалағанын айтты. Бэнкс үш минуттан он раунд және арасында бір минут демалыс, спаррингті шынайы жекпе-жектегідей өткізуді талап еткен. Головкин орындады.

Айтпақшы, Бэнкс раундқа қосымша минут қосылған спаррингтерге сенбейді. Бұл боксшыны табиғи емес ырғақта жұмыс істеткізеді деп есептейді", - деп жазыпты Ким твиттер желісінде. 


  0