"Канело" ашуға булықты". Хирн мексикалық пен Джейкобстың жанжалы туралы

Промоутер боксшылардың қызбалығына разы сияқты.

IBF чемпионы Дэниэл Джейкобстың (35-2, 29 КО) промоутері Эдди Хирн америкалық боксшы WBC, WBA (Super) белбеулерінің иегері мексикалық Сауль "Канело" Альваресті (51-1-2, 35 КО) салмақ өлшеу рәсімінен кейінгі жанжалда абыржытты деген сенімде, - деп хабарлайды badlefthook.com.

"Канелоның" бұрын мұндай әрекетін байқаған емеспін. Бұл таңдандырды. Екеуі де түрткі болды деген ойдамын. Бірақ, "Канелоның" соншалықты ашуға булыққанын алғаш көруім. Головкинмен қарымта алдында аздап осындай болған, алайда, осы жолы қатты кірісіп кетіпті. Ол қызбалыққа салынды, бұл Дэнни үшін жақсы ма, жаман ба, білмедім. Қаншалықты ашуланғанын бағалай алмаймын, алайда, бұл ертеңгі жекпе-жек алдындағы жақсы бет-бұрыс", - дейді Хирн. 

Еске салайық, Альварес - Джейкобс жекпе-жегі 4 мамыр Лас-Вегастағы T-Mobile аренасындағы бокс кешінің басты оқиғасы болады. Қазақстан астанасының уақытымен кездесу 5 мамыр таңғысын өтеді.


  0