Ломаченко МакГрегормен жұдырықтасуға келісті

Ирландиялық Мейвезермен жекпе-жек өткізген.

Жеңіл салмақта WBA және WBO чемпионы украиналық Василий Ломаченко екі салмақта UFC чемпионы болған ирландиялық Конор МакГрегормен бокс ережесі бойынша жұдырықтасу туралы пікірін білдірді.

Боксшының сөзінше, ол МакГрегорды оп-оңай жеңетін еді.

"МакГрегор - шоумен, ол табыс тауып жүр. Қандай бокс? Менімен жұдырықтаса ала ма? Жоқ, олай ойламаймын. Кәсіпқой емес деңгейде жақсы жұдырықтасатын шығар. Бірақ нағыз жекпе-жекте оның еш мүмкіндігі жоқ.

Мұндай жекпе-жекке келісер ма едім? Әрине, мен үшін оп-оңай. Мұндайдан рахат алар едім", - дейді Ломаченко TMZ арнасына берген сұхбатында.

Айта кетейік, МакГрегор 2017 жылы кәсіпқой рингте америкалық Флойд Мейвезермен жұдырықтасып, оныншы раундта техникалық нокаутпен жеңілген.

Ал Ломаченко 12 сәуір Лос-Анджелесте WBA чемпиондығына үміткер Энтони Кролламен жекпе-жек өткізеді.


  0