Мексикалықтың бапкері Даниярдан секемденгендіктен жекпе-жектен бас тартты

Хименес өзге қазақстандықты таңдады

Қазақстандық кәсіпқой Данияр Елеусіновке (5-0, 3 КО) наурыздағы жекпе-жекке басқа қарсылас тауып береді. Олимпиада чемпионының менеджері Зия Алиев Vesti.kz тілшісіне мән-жайды айтып берді. 

27 жастағы Елеусінов 15 наурыз Филадельфияда Карлос Хименеспен (14-9-1, 8 КО) жұдырықтасу керек болатын, алайда, мексикалық өзге қазақстандық - Батыр Жүкембаевпен (14-0, 12 КО) жекпе-жек өткізетін болды.

"Хименсепен бастапқыда келіскенбіз. Matchroom сегіз раундқа қанша ұсынғанын көргенде таңдандым. Қарсылас біздікі, Хименеспен жұдырықтасамыз деп ойладым. Кейін ол Батыр Жүкембаевпен Канадада жұдырықтсады деген ақпарат шықты. Анықтай бастадық... Ол жақтағы бапкер, Батырды таңдапты, бірақ олар ұсынған ақша аздау. 

Бапкер Данияр ірі әрі үлкен деп ойлайды. Даниярдың олимпиаданы жеңгені әсер еткен шығар. Сосын Батырды таңдапты. Бірақ екеуі де мексикалықты нокаутқа жібере алатынын түсіну керек... Батыр да ірі боксшы. Оның үстіне Елеусіновпен жекпе-жекке мексикалықтың менеджерімен алдын ала келісімшарт жасалған еді.

Ол Matchroom компаниясымен келісімшартқа қол қойды ғой. Мұнда ақша да көп. Біз де таң қалдық, Хименестің өзі де Филадельфияда Даниярмен жұдырықтсқысы келеді. Өйткені мұнда қаржы көбірек. Қазір бапкер мен менеджер арасында түсінбестік болып жатыр. Бұл туралы ойландық: Matchroom компаниясынан қоңырау шалып, мәселені қарастырып жатқанын айтты. Мен жаңа қарсылас табуды ұсындым. Жақында кім екенін айтамыз", - дейді Алиев. 


  0