"Екі-үш жылда болады". Белгілі бапкер чемпион атанатын қазақстандық кәсіпқойларды атады

Маман Әлімханұлының жұдырықтасуына да баға берді.

Қазақстандық белгілі бапкер Мырзағали Айтжанов Vesti.kz тілшісімен сұхбатында Жәнібек Әлімханұлының соңғы жекпе-жегі туралы пікірін білдірді және чемпион болуы мүмкін бірнеше қазақстандықты атады. 

"Жексенбіде арнайы ерте тұрдым, осы жекпе-жекті көру үшін. Жәнібекке жанкүйер болдым. Жекпе-жектен кейін қоңырау шалып, құттықтадым. Жеңістерге жете беруге және чемпион атануды тіледім. Жәнібек айтып жүргенін көрсетті - сауатты қазақтың техникасы тамаша боксын. Қарсыласын керек кезде жазалап отырды. Ол әлем чемпионы ғой, Азия чемпионатының жеңімпазы және Азия ойындарының чемпионы. Олимпиада жүлдесі ғана жетпей тұр. 

Ол әлі де мүмкіндігін күте алатын еді, бірақ, ол кәсіпқой боксты таңдады. Чемпиондық белбеулерге жетеді деген ойдамын. Мықты боксшылармен жұдырықтасып, өзінің тамаша боксын паш етеді. Оның деңгейі жоғары.

Ол раунды көп жекпе-жектерге икемделеді - сонымен бітті. Ал чемпион болуға басқасының бәрі бар: тәжірибе, шеберлік пен техника да. Жәнібек, тағы бірнеше жігіт бар - Садриддин Ахмедов, Али Ахмедов, Мейірім Нұрсұлтанов, Мадияр Әшкеев, Батыр Жүкембаев... Кәсіпқойға өткен және екі-үш жылда чемпион болатын жас жігіттер көп", - дейді бапкер.  


  0