"Чемпион болады". АҚШ журналисі Әлімханұлына "Канелоны" жеңетін жолды айтты

Қазақстандық қазір де IBF және WBO чемпиондарын басым екен.

Журналист Майк Смит Boxingnews24.com сайтында жариялаған мақаласында қазақстандық Жәнібек Әлімханұлының (5-0, 2 КО) болашағына өз болжамын жасады.

"Әлімханұлы жекпе-жек бойы Мартинестен басым болды, сол жақтан басқа және денеден өте күшті соққылар жасады. Осы ауыр соққылары үшінші рауда нәтиже берді, Мартинес бір құлап алды. Мартиесті нокдаунға түсірген Әлімханұлының соққысы өзге боксшыларды тоқтатып тастайтындай күшті болды. 

Төртінші раундта Әлімханұлы жасаған соққылардың бәрін өткізіп жатқан Мартинестің басына жақсы бір-екі жұдырық тиді. Ал раунд соңында жекпе-жек ұзаққа бармайтыны көрінді. Бесінші раунда қазақстандық Мартинесті сабауын жалғастырды, осыған байланысты америкалықтың командасы жекпе-жекті тоқтатуға мәжбүр болды.

Жалпы бұл болашақ чемпион Әлімханұылының жақсы жеңісі. Қазақстандық екінші орта салмақта IBF чемпионы Калеб Плант пен WBO белбеуінің иегері Хильберто Рамиресті жеңе алады. Алайда Каллум Смит пен Сауль "Альвареспен" жұдырықтасу қазақстандыққа ауырлау болады. Мұндай жігіттерді жеңуге соққы күшін арттыру қажет. Әлімханұлы шынымен жақсы панчер, бірақ, Альварес пен Смит сияқты қарсыластарды сабау үшін бастан жасайтын соққысын күшейткен жөн", - деп жазыпты автор. 


Еске салайық, Орта салмақта жұдырықтасатын 25 жастағы Жәнібек Әлімханұлы Фриско қаласындағы The Ford Center at The Star аренасында The Hitman ("жалдамалы баскесер") лақап атты америкалық Стивен Мартинесті (18-5, 13 КО) жеңген еді.

Сегіз раундқа есептелген жекпе-жек бесінші раундта америкалықтың командасы жұдырықтасудан бас тартқаннан кейін тоқтатылды. Осылайша, қазақстандық АҚШ-та алғаш рет техникалық нокаутпен жеңіске жетіп отыр. Сонымен бірге, америкалық боксшы үшінші раундта нокдаунға түскенін де айта кетейік.


  0