Батыр Жүкембаев қарсыласын 2,5 минутта қалай жеңгенін айтып берді

Батыр Жүкембаев 2 минут 24 секундта кездесуді уақытынан бұрын аяқтады.

25 жастағы қазақстандық боксшы Батыр Жүкембаев мексикалық Давид Ранхелмен өткізген жекпе-жегі туралы айтып берді, - деп хабарлайды Vesti.kz.

"Мен нокаутты көздеген жоқпын, өз мәнеріме сай жұдырықтастым, нокаут өзі келді. Кездесудің небәрі 2 минутқа созылғаны қатты қуантты және көрермен мен жанкүйерлерге де ұнады деп ойлаймын. Мен оң жақ бүйірден көбірек соққы жасадым, бұл менің жақсы көретін комбинациям. Бұл кездесу 2017 жылдың ең мықты кездесуі болады деп айта алмаймын, себебі жақын күндері промоутеріммен және менеджермен кездесемін Кездесу барысында 2017 жылда кіммен жұдырықтасатынымды талқылайтын боламыз. Тезірек чемпиондық атақүшін өтетін жекпе-жектерге шыққым келеді. Қазір үздік 100 боксшының қатарына кіргеніммен, мақсат әлемнің үздік 10 боксшының қатарына қосылу. Жекпе-жек қай жерде болса да жұдырықтасуға бармын", - деді Жүкембаев.

Еске салайық, 25 жастағы Батыр Жүкембаев бірінші орта салмақта мексикалық боксшы Давид Ранхелмен жұдырықтасқан болатын. Қазақстандық боксшы өз қарсыласын бірінші раундтың екінші минутында сұлатып, кездесуді уақытынан бұрын аяқтаған.

Айта кетейік, Жүкембаев кәсіпқой бокста сегіз кездесу өткізіп, оның жетеуін уақытанан бұрын аяқтаған. 

Тег:



  0