"Қулық-сұмдыққа дайын тұрады". Менеджер Усик қарсыласының допингпен ұсталғанына ашулы

Украиналық аса ауыр салмақта алғаш рет жұдырықтасады.

Аса ауыр салмақтағы нидерландтық проспект Тайрон Спонг (14-0, 13 КО) допингпен ұсталып, 12 қазанда украиналық Александр Усикпен (16-0, 12 КО) жұдырықтаса алмайды. 

ESPN ақпаратынша, Спонг ағзасында кломифен антиэстрогені (тестостерон секрециясын күшейтеді) табылған. 

Дегенмен промоутер Эдди Хирн (Matchroom Boxing) украиналық боксшыға басқа қарыслас тауып үлгеретініне сенімді. Бірінші ауыр салмақтағы бұрынғы аболют чемпион Усиктің жекпе-жегі Чикагодағы бокс кешінің басты шоуы болып тұр. 

"Жағдай келесідей: VADA бізге Спонгтің ағзасынан тыйым салынған дәрмектің табылғанын айтты. Иллинойс штатының атлетикалық комиссиясына да осындай хабарлама жолданды. Жағдайдың анық-қанығы сәл кешірек белгілі болады. Дегенмен бізде мұндай жағдайға да амал бар. Келіссөздер жүріп жатыр", - деп келтіреді Хирннің сөзін vRINGe.com.

Ал украиналықтың менеджері Эгис Климас өте ашулы: "Адамдар соңғы мүмкіндікті пайдаланып, алдауға, қулық-сұмдыққа дайын тұратыны жаман. Бокста бәрі ауыр еңбекпен келеді. Ал мұндай амалдар әріптестері мен жанкүйерлеріне деген құрметсіздік. Әрине, Усик ызалы. Ол жекпе-жекке барынша дайындалды". 


  0