Деревянченко Головкиннен жеңілгеннен кейін алғаш рет өз ойын айтты

Украиналық нокдаун мен қабағының жарылғаны туралы сөз қозғады.

Орта салмақта IBF және IBO белбеулеріне үміткер боғлан Сергей Деревянченко (13-2, 10 КО) қазақстандық Геннадий Головкинмен (40-1-1, 35 КО) жеңілгеніне қатысты пікір білдірді, - деп хабарлайды Vesti.kz.

"Өзімді жақсы сезінемін. Нокдаун болғанда, соққы жасауға қозғалған едім, ол мені шүйдемнен ұрды. Бірақ мен тұрып, өзімді жақсы сезіндім. 

Екінші раундта еңкейе бергенімде, ол апперкотты дәл ұрды. Бұл соқққыны сездім, осыдан қабағым жарылды. Жекпе-жек кезінде қан кейде көзіме ақты, осыдан оның кейбір тік және жанымнан жасаған соққыларын көрмедім. Дәрігерлер жекпе-жекті тоқтатып тастайтын шығар деп ойлағанмын. 

Кездесу аяқталғанда жеңдім деп ойладым және үміттендім. ОСоққылар жасадым, алайда, Геннадий оған шыдады, өйткені ол тәжірибелі чемпион. Қарымта бола ма? Білмеймін, ары қарай не болатынын көрейік. Геннадий Альвареспен жұдырықтасқысы келетінін білемін және белбеулер үшін де жекпе-жек өткізгісі келеді. Жанкүйерлер қаласа, қайта жұдырықтасуымыз да мүмкін", - деп келтіреді украиналықтың сөзін IFL TV.


  0