Атақты британиялық промоутер Головкиннің күші сарқылды дегенге қатысты анық жауап берді



Британиялық промоутер Эдди Хирн қазақстандық Геннадий Головкиннің (39-1-1, 35 КО) күші сарқылып бара жатқаны туралы ойын айтты.

"Головкиннің карьерасы құлдырап бара жатқаны туралы жиі сұрайды. Қандай құлдырау, егер ол Альваресті екі рет жеңсе? Екінші жекпе-жек теңдей болды, бірақ, Деревянченкомен кездесу Головкиннің қандай деңгейде екенін көрсетеді. Сергей - техникасы жақсы және мығым боксшы. Олардың стилі тамаша үйлесу керек. Генадий кейде көп соққы өткізіп қояды. Дегенмен онымен ашық жұдырықтасу - қарсылас үшін жақсы шешім емес. Сенбі күні Геннадийдің қандай кезеңге келгенін түсінеміз деген ойдамын.

Головкин бұл аптада "Канело" туралы сөйлегісі келмейтінін білемін. Өйткені бар назарын Деревянченкоға салуда. Алайда ол қаншалықты әдемі жекпе-жек көрсетсе, соншалықты көп жанкүйер Альвареспен жұдырықтасуды сұрайтын болады. Мұндай жағдайда олардың кездесуін ұйымдастыру оңайға соғады", - дейді Хирн. 


  0