Федерер: Биыл бірінші болу туралы ой ығысып қалды

7 қарашада Федерер Глазгода Энди Марреймен қайырымдылық ойынын өткізеді.

Швейцариялық Роджер Федерер өзінің туған жері Базельдегі турнирде сәтті өнер көрсеткен жағдайда Парижде өтетін "Мастерске" қатыспауы мүмкін. Айта кетейік, 7 қарашада Федерер Глазгода Энди Марреймен қайырымдылық ойынын өткізеді. 12 қарашада Лондонда АТР чемпионатының қорытынды ойындары басталады. 

"Келесі аптадағы ойындар өте маңызды. Мен Шанхайда, Базельде, мүмкін Парижде және Қорытынды турнирде Лондонда ойнаймын. Шанхайға ертерек баруды жоспарлап отырмын. 

Бірінші болуды мақсат тұтамын ба? Ол кішкене ығысты, себебі Надаль менен біраз ұзап кетті. Мен өзімді керемет қалпымда сезінген сәтте ғана ойнаймын. Монреальдан кейін менде күрделі қиындықтар басталды. Солай ары қарай қиындықтан қиындыққа ұласты. Нью-Йоркте ұтылып қалғаннан кейін мен қуандым, себебі демалысқа уақытым болатын болды. 

Надальдің бірінші болғанына таңғалдым ба? Кішкене ғана, себебі бір жыл бұрын екеуімізде жарақат алдық, сол себепті қайтып оралуымыз қалай болады деп бас қатырдық. Бірақ мен оның тағы бір мәрте "Ролан Гарросты" ұтқанына таңғалдым, ол маусымның жартысында-ақ біріншілікте болды. Әрине Маррей де Джоковичте жарақат алады дегенді кім ойлапты", - деді Федерер Blick басылымына берген сұхбатында. 


  0